DOMENICO MODUGNO - 'O SOLE MIO

'O SOLE MIO

DOMENICO MODUGNO

COMPOSITORI: GIOVANNI CAPURRO & EDUARDO DI CAPUA

PAESE: ITALIA

ALBUM: SINGLE

ETICHETTA: RCA VICTOR

GENERE: MUSICA LEGGERA

ANNO: 1960

 

         Domenico Modugno (Polignano a Mare, 9 'e jennaro 1928 - Lampedusa, 6 'e aùsto 1994), è stato nu cantautore vincitore 'e 2 Grammy Award, cumpositore e attore 'taliano. È cunziderato lo pate d’’e cantautore taliane e comm'autore nterprete è fra 'e cchiù grande d'Europa.

           'O sole mio è na canzona napulitana, scritta da Giovanni Capurro e musecata da Eduardo Di Capua e Alfredo Mazzucchi.

      'O prencipio, ncoppe 'e spartite musecale, ce steveno sulamente Capurro e Di Capua comm' autore d’’a canzone. Cu tiemp', però, fuje ricanusciute purê Alfredo Mazzucchi comm'autore d’’e musiche, siccome ca avette l'incarico 'a l'editore e siccome ca facette cocche mudifica piccerella 'a museca origginale.

             'O sole mio è una d’’e canzone napulitane cchiù canosciute d’’o munno. 'A cantarono Domenico Modugno, Enrico Caruso, Fernando De Lucia, Josephine Baker, Mario Del Monaco, Bruno Venturini, Mario Lanza, Mario Saccucci, Frank Sinatra, Louis Prima, Tony Martin, Dalida, Claudio Villa, Mina, Massimo Ranieri, Luciano Pavarotti, Josè Carreras, Roberto Lovèra, Bernard Yannotta (dint’’o film Il pianeta verde 'e Coline Serreau, 1995), Bryan Adams e tant'ata gente.

             Addirittura, int’’o 1960, Elvis Presley facette 'a versione ammerecana d’’a canzona: 'a chiamatte It's Now or Never e facette primm' in classifica int’’e State Aunite d'Amereca ('o 15 de aùsto d’’o 1960) e int’’o Regno Aunito (da 'o 5 'e nuvembre a 'o 30 'e dicembre).

Che bella cosa na jurnata 'e sole!...

N'aria serena doppo a na tempesta...

Pe' ll'aria fresca pare giá na festa...

Che bella cosa na jurnata 'e sole!...

 

Ma n'atu sole

cchiù bello, oje né',

'o sole mio,

sta 'nfronte a te...

'O sole,

'o sole mio,

sta 'nfronte a te...

sta 'nfronte a te!

 

Lùceno 'e llastre d''a fenesta toja;

na lavannara canta e se ne vanta...

e pe' tramente torce, spanne e canta,

lùceno 'e llastre d''a fenesta toja...

 

Ma n'atu sole

cchiù bello, oje né',

'o sole mio,

sta 'nfronte a te...

'O sole,

'o sole mio,

sta 'nfronte a te...

sta 'nfronte a te!

 

Quanno fa notte e 'o sole se ne scenne,

mme vène quase na malincunia...

sott''a fenesta toja restarría,

quanno fa notte e 'o sole se ne scenne...

 

Ma n'atu sole

cchiù bello, oje né',

'o sole mio,

sta 'nfronte a te...

'O sole,

'o sole mio,

sta 'nfronte a te...

sta 'nfronte a te!